Weather Update राज्यभरातील थंडी आता गायब झाली आहे. अनेक जिल्ह्यांमध्ये वाढलेली थंडी पुन्हा गायब झाली आहे. आता थंडीच्या काळात राज्याच्या बहुतांश भागात पावसाने हजेरी लावली आहे. राज्यात अनेक ठिकाणी कोरडे हवामान आहे. आज (शुक्रवारी) कोल्हापूर, सातारा आणि सांगली या तीन जिल्ह्यांसाठी पावसाचा पिवळा अलर्ट जारी करण्यात आला आहे. हवामान खात्याच्या अंदाजानुसार येत्या काही दिवसांत देशभरात तापमानात चढ-उतार होण्याची शक्यता आहे.
गेल्या तीन ते चार दिवसांपासून राज्यात ढगाळ वातावरण आहे. काही ठिकाणी हलका ते मध्यम पाऊस पडला. थंडी पूर्णपणे ओसरली आहे, तर काही भागात उकाडा जाणवू लागला आहे. राज्यातील बहुतांश भाग 9 डिसेंबरपर्यंत कोरडे व कोरडे राहण्याची शक्यता असून, 7 डिसेंबरपासून पुन्हा तापमानात घट होऊन थंडी वाढणार आहे. आज (शुक्रवारी) राज्यातील कोल्हापूर, सातारा आणि सांगली परिसरात हलक्या पावसाची शक्यता हवामान खात्याने वर्तवली आहे.Weather Update
छत्रपती संभाजीनगरमध्ये अवकाळी पाऊस
काल (गुरुवार) मध्यरात्रीपासून छत्रपती संभाजीनगर जिल्ह्यातील अनेक भागात अवकाळी पाऊस झाला. शहरी आणि ग्रामीण भागात पाऊस पडत आहे. खुलताबाद, सिल्लोड, पैठण, वैजापूर तालुक्यातील अनेक गावात पाऊस पडत आहे. तर अनेक भागात सकाळपासून ढगाळ वातावरण पाहायला मिळत आहे. या अवकाळी पावसाचा फटका शेतकऱ्यांना बसला आहे.
लातूर शहर व परिसरात, देवणी शहर परिसरात जोरदार पाऊस
लातूर जिल्ह्यातील अनेक भागात मध्यरात्री पावसाने हजेरी लावली. पावसानंतर वातावरणात गारवा निर्माण झाला आहे. लातूर शहर व परिसरात, देवणी शहर व परिसर, निलंगा तालुक्यात काही ठिकाणी मुसळधार पाऊस झाला. लातूर शहरासह जिल्ह्यातील देवणी निलंगा तालुक्यातील काही भागात मध्यरात्री अचानक पाऊस झाला. मध्यरात्री अचानक आलेल्या पावसामुळे गावाबाहेर राहणारे लोक अडकून पडले होते.Weather Update
मध्यरात्री लातूर शहर व परिसर, लातूर जिल्ह्यातील देवणी परिसर, तसेच निलंगा तालुक्यातील खरोसा परिसरात अचानक मुसळधार पावसाने हजेरी लावली. कव्हा, हरंगुळ, खोपेगाव, सारोळा, बाभळगाव परिसरातही रिमझिम पाऊस झाला. अचानक आलेल्या पावसाने वातावरण कमालीचे थंड झाले आहे. या पावसामुळे पिकांवर रोगांचा प्रादुर्भाव होण्याची शक्यता बळावली आहे. गेल्या काही दिवसांपासून वातावरणात थंडी असे काही नव्हते. आता मध्यरात्री झालेल्या पावसामुळे वातावरणात गारवा आला आहे.
सिंधुदुर्ग जिल्ह्यात अवकाळी पावसाच्या हलक्या सरी बरसल्या
सिंधुदुर्ग जिल्ह्यात अवकाळी पावसाच्या हलक्या सरी कोसळल्या. जिल्ह्यातील काही भागात रिमझिम पाऊस झाला. सलग दोन दिवस झालेल्या पावसाने आंबा, काजू शेतकरी चिंतेत आहेत. काल (गुरुवारी) रात्री अनेक भागात रिमझिम पाऊस झाला. त्यामुळे फळबागांचे नुकसान झाले आहे.Weather Update
नाशिकला अवकाळी पावसाने झोडपून काढले
गुरुवारी रात्रीपासून नाशिक जिल्ह्याला मुसळधार अवकाळी पावसाने झोडपून काढले असून, विविध भागात जनजीवन विस्कळीत झाले आहे. जिल्ह्यात पिकांचे नुकसान झाले असून अनेक ठिकाणी द्राक्षबागा उखडल्या आहेत. शेतकऱ्यांनी आपली पिके वाचवण्यासाठी धाव घेतली. या अवकाळी पावसामुळे शेती पिकांचे मोठ्या प्रमाणात नुकसान झाले आहे.
📑 पीएम किसान योजनेचा 19 वा हप्ता ‘या’ दिवशी मिळणार | फक्त हेच शेतकरी पात्र 💸
